مصحف وورقة وقلم

[karem24]

مصحف وورقة وقلم
===========



اسم الموضوع غريب بس برجاء التركيز والمتابعة
الموضوع ان احنا مجموعة شباب عملت جروب او زي ما احنا بنقول علية هو مشروع علي الفيس بوك
بأسم مصحف وورقة وقلم
==============
خطوات تنفيذ المشروع :-

1- احضر مصحف واضح و حجمه مناسب

2- هات كشكول حلو و كبير و محترم

3- محتاج قلمين تلاته ملونين و خطهم كويس

4- احضر استيكرز او اى ادوات لتزيين الصفحات فى كشكولك

5- حدد ساعه فى اليوم او نصف ساعه للتدبر فى القران

6- اجلس فى مكان هادىء و مرتب

7- انت دلوقتى مستعد نفسيا ان تبدأ فى قراءه القرآن الكريم

8- توضأ

9- ابدأ قراءه و اول ما تقابل آيه تشعر بروعتها و جمالها و طبعا
القران كله رائع اكتب هذه الآيه فى كشكولك و هكذا كل ما تقابل آيه تشعر بها و تحبها و تريدها شعار لحياتك اكتبها و طبعا
قم بتقسيم كشكولك الى اجزاء و اكتب اسم و رقم الآيه الكريمه و كن منظم و اجعل كشكولك تحفه فنيه تحب النظر اليها

10 - بعد الانتهاء من ورد التدبر قم بقراءه
ما كتبت و اكتشف الروعه و احفظ منه آيه و اعمل بآيه فى الاسبوع مثلا و اختم القران خاتمه خاصه للتدبر


عشر خطوات جميله و سهله

و بعدين ده احنا ياما ذاكرنا فى الجامعه و حفظنا و فهمنا كتب كتيييييييييير مليانه كلام دكاتره و عباقره و اساتذه

كلام مرتب على كلام مش مفهوم على كلام مش فاكراه كان ايه .كل ده عشان امتحان اخر السنه

جه الوقت بقا اللى نذاكر فيه كلام ربنا الخالق المصور الحكيم العليم سبحانه و تعالى و نفتح كتابنا اللى بجد كتابنا القران الكريم
و نتدبر و نفهم عشان امتحاننا اللى احنا فعلا فيه فى الدنيا
و آخرها جنه ان شاء الله

ملحوظه : احضار اقلام ملونه و اختيار كشكول
جميل ماهى الا وسائل للتحفيز و الشعور بجمال ما ستفعل و اختيار المكان و الهدوء يساعدك على التركيز

بعد ان تقوم بهذا المشروع ستستمع الى القران بشكل مختلف و ستجد له تأثير مختلف تماما فى قلبك
و عند القراءه العاديه ستجد نفسك اذا لم تقصد التدبر
تقرأ بتركيز اكثر و هتلاقى نفسك بتختار آيات و غصب عنك هتحتفظ فى دماغك بالايات التى تأثرت بها
و طبعا مفيش سرحان تانى و اى حته هتسمع فيها القرآن مش هيمر عليك عادى تانى

----------------------------------------------
لو حبيت الفكر اعمل حاجتين

-------------------------------------
1- الدعاء لصاحب الجروب بظاهر الغيب

--------------------------------
2- ادعو اصدقائك من خلال الفيسبوك الى هذا الجروب و اخبار اصدقائك خارج الفيسبوك عن الفكر و تابع مع اصحابك تنفيذها
و اتناقشو مع بعض فى اللى كتبه كل واحد فيكو من آيات فى كشكوله و اتفقو انكم تذكرو بعض بيه
------------------------------------------

جعله الله فى ميزان حسناتكم

---------------------------------------------------------
الكلام ده عن تجربه لا اكثر و لا اقل
---------------------------------------------------------


ليه المشروع ده مهم ؟ ليه ابلغ بيه اصحابى ؟

1- صدقه جاريه
2- اعانة المسلمين على التدبر
3- تعلق المسلمين بالقران
4- اصلاح الكثير من سلوكياتنا من خلال تذكرنا لكلام الخالق عز وجل
5-اعانه و مساعدة المسلمين على مجاهدة انفسهم
6- العوده الى دين الوسطيه و البعد عن التطرف
7- سيجعلنا نبحث عن التفاسير اكثر و فهم كلام الخالق اكثر
8-اصحابك و اخواتك و قرايبك اللى
هتنفذ معاهم هذا المشروع هتحبهم فى الله جدا و تأتون جميعا تحت ظل عرش الرحمن يوم لا ظل الا ظله
9- حب القران سيثبتك على حفظه و تعلم التجويد
10 -سترتقى الى مرتبة المتدبرين
11-........ اكملو معى فوائد المشروع هذه النقطه انت ستكتبها .

فى انتظار رقم 11 مين هيكتبها ؟؟

وعلي فكرة احنا وصل عدد الاعضاء في الجروب الي 1,825
ودي مجرد البداية
وبعد اذن الادارة اذا سمحت لي انا اضع اللينك الخاص بالجروب علي الفيس بوك
وان يسبت هذا الموضوع ولو لفترة لتعم الفائدة علي الجميع

ونسئلكم الدعااء


رابط الجروب علي الفيس بوك
هما الحقيقة جروبين مش واحد
دا الجروب الاول وعدد الاعضاء فية فوق ال 10000 عضو
http://www.facebook.com/group.php?gid=36864453469
والثاني فوق ال 1000 عضو والجروبين الحقيقة بيكملو بعض
http://www.facebook.com/home.php#/gr...id=49858243036

[mema]

بصراحة فكرة رااااااااائعة والله
جزاك الله خيرا اخي

[karem24]

المشاركة الأصلية كتبت بواسطة mema

بصراحة فكرة رااااااااائعة والله
جزاك الله خيرا اخي

متشكر جدا يا ميما
بس انتي مردتيش علي سالي ممكن احط لينك الجروب ولا لا
ويا ريت الموضوع يتسبت حتي لو لفترة علشان الافادة للناس كلها
وجزاكي الله خير
وتقبل منا ومنك صالح الاعمال

[red pen]

بسم الله ما شاء الله ماذا أقول يا كريم على الموضوع فعلا يستحق التثبيت فى المنتدى

[رحيق]